「米走雞」食評——卡路里奢侈之旅

　經常食雞煲，食到有啲悶悶地？沒關係！來旺角鬧市樓上餐廳「米走雞」有得試試新食法芝士雞煲。

　我和友人叫了半隻「米走雞」，但份量已經非常大，雪白雪白的雞肉上，鋪上一層濃濃的芝士，光是聞到陣味，經流晒口水。

　唯一有些美中不足的是雞肉不夠新鮮，沒有妄想過一百多元就可以食到走地雞，但覺得作為一間餐廳，至少對食物質素要有點要求。

　強烈推介叫嚮鈴和烏冬，它們都是芝士的情人，嚮鈴比較單純，在芝士中浸一會兒已經被對方完全軟化，與芝士難分難解。

　反之，鳥冬比較獨立自我，芝士永遠沒有辦法走進它的心裡，芝士得用多一點時間，把鳥冬捂熱、慢慢把自己的味道滲入到它每一個微小的氣孔中。

　建議大家不要一開始就叫那麼多食物，因為芝士的飽肚程度高於你想像，我和友人是兩個比較大食的女生，只叫了若干個配菜，但食到最後已經舉晒白旗。

　有很多網友推薦，食到最後的時候，要叫一個公仔麵和一塊芝士，把柔弱的芝士放在公仔麵之上，待芝士慢慢溶化滲到公仔麵裡。

　任性、放肆。

　要嘗試這一種豪邁食法的大前提是，你前面食完一大煲芝士雞煲之後，仍然食得落。

　同時，我要提醒一下腸胃不太好的朋友，因為始終是油膩食物，食得太多，肚子會受不了。

　我就是一個血淋淋活生生的教訓。

【圖片來源：Openrice】

地址：長沙灣青山道383號地舖

　太子彌敦道761號太子藍馬之城2樓（分店）